Pag Papagawa ng Bahay

Mahirap magpagawa ng bahay. Sa mga chinese nga di ina advice na mag pagawa ng bahay kung buntis ang asawa dahil sobrang stressful. Uso pa rin sa Pilipinas yung nag papagawa ng walang malinaw na plano at hinahayaan na lang sa karpintero. Pag walang plano malamang na may ma kaligtaan ang gumagawa at lalong masakit sa ulo. Mura lang naman mag pagawa ng plano. Ang mahalaga ay yung specifications, bill of materials at mismong plano. Yung specifications naka saad dun kung anong materiales ang gagamitin, anong finish, at marami pang detalye na makakatulong sa inyong matukoy kung gumagawa na ng di wasto ang contractor. Dito rin maiiwasan ang pag tatalo dahil may malinaw na kasulatan kung ano dapat. Ang Bill of materials naman ay makakatulong sayo sa pag budget. Lahat ng materiales na gagamitin ay naka saad dito kasama na ang current market price. Di na dapat lumayo dito ang gagastusin sa materiales. Pag aralan mabuti ang specifications, bill of materials at plano bago simulang mag pagawa. Nasa sayo na kung arawan o contrata ang labor. Pero sa naranasan ko mas ok yung kontrata labor pero ikaw ang bahala sa materiales. Pag pinakontrata mo lahat pati materiales ay maaring gumamit ng sub standard na materiales mga contractor, halimbawa na lang sa tiles mayroon class A at economy class kung baga may konting damage, maaring gamitan ng ganito ng contractor bahay mo para makatipid sila. Kahit pa kontrata o arawan kailangan ng bantay at hanggat maari dalasan ang pag bisita mo sa site.